تعليم الآلة - الجزء الأول: ازاي الكمبيوتر يتعلم ويفكر زي الإنسان

مجال تعليم الآلة (Machine Learning) يُعتبر محط أنظار كبري شركات التكنولوجيا في العالم، لأن باختصار كلمة "تعلم الآلة" معناها اننا عايزين الآلة تتعلم زي الانسان و تفكر زيه.

سألت نفسك قبل كده ليه لما بتشوف عربية ماشية في الشارع بتعرف أنها عربية؟

الإجابة لأن أول مرة شوفت فيها عربية حد علمك و قالك دي اسمها عربية و مع الوقت بتشوفها كتير فاتعودت علي شكلها و بقيت تعرفها لوحدك مهما اختلف اللون و الديزاين العام بتاعها. كذلك الكمبيوتر ممكن يتعرف لوحده علي الاشياء بس يا تري دقته زي دقة الانسان العادي؟ احنا البشر احيانا بنشوف ناس في الشارع مبنعرفش نفرق بين ولد و بنت اومال الكمبيوتر يعمل ايه! خلي بالك الكمبيوتر ممكن يبقي احسن في النقطة دي و هو ده التحدي اللي بتواجهه machine learning لحد انهردة.

ازاي الكمبيوتر بيتعلم؟

مثال مشهور جداً هو تصنيف الكلاب و القطط بمعني ان الكمبيوتر ممكن لما يشوف صورة كلب يقولك ان ده كلب مش قطة و العكس صحيح. عن طريق انك بتحضر data زي حجم العين لو كبيرة يبقي كلب لو صغيرة تبقي قطة، طول الرجل لو طويلة يبقي كلب لو صغيرة تبقي قطة، الخ... فيبدأ الكمبيوتر يقارن الصورة بالمواصفات الى أنت دخلتها قبل كده و علي حسب تطابق المواصفات يقولك اجابته.


لقراءة الجزء الثاني: اضغط هنا 
لقراءة الجزء الثالث: اضغط هنا